Луис Энрике "Арсенал"га қарши ўйин олдидан стандартлар бўйича машғулот ўтказмоқчи эмас.
"ПСЖ" 29 апрель куни Чемпионлар лигаси ярим финал дастлабки ўйинида "канонирлар" меҳмони бўлади.
"Йўқ, стандартлар устида ишлашни режалаштирмаяпман, чунки "Арсенал"ни жуда узоқ вақтдан бери биламан. Биз улар билан бу мавсумда ҳам тўқнаш келганмиз. Бизни шу даражага олиб келган сифатлар ва камчиликлар ўша-ўша.
Биз қандай ўйнасак, шундай ўйнайшда давом этамиз, қандай ҳимоялансак, шундай ўйнаймиз ва ҳар бир совринни ютиб олишни истаймиз. Дунёда идеал жамоа йўқ ва биз ҳам бундай бўлолмаймиз," - деди "ПСЖ" бош мураббийи.
