«Барселона» ярим ҳимоячиси Педри апрель ойида Испания Ла Лигасининг энг яхши футболчиси деб топилди. Бу ҳақда мусобақанинг расмий сайти хабар берди.
Овоз беришда кўк-анорранглилар хавбеки Мадриднинг «Атлетико» клуби ҳужумчиси Хулиан Альварес, «Валенсия» дарвозабони Георгий Мамардашвили, «Эспаньол» ярим ҳимоячиси Хавьер Пуадо ва «Мальорка» хавбеки Серхи Дардерни ортда қолдирди.
Педри апрель ойида Испания Примерасининг тўртта ўйинида майдонга тушди ва уларда самарали ҳаракатлар билан ажралиб турмади. 22 ёшли футболчи 33-турда «Мальорка»га қарши ўйиндан (1:0) сўнг учрашувнинг энг яхши ўйинчиси деб топилди.
Педри жорий мавсумда биринчи марта Ла Лигада ойнинг энг яхши футболчиси деб эътироф этилди.













