Аргентиналик мураббий Маурисио Почеттино яқин келажакда "Тоттенхэм"га қайтиши мумкин, деб хабар беради TBR Football.
Манбага кўра, Лондон клубининг амалдаги устози Анге Постекоглу мавсум якунида "шпорлар"нинг Европа Лигасидаги натижаларидан қатъи назар истеъфога чиқарилади. Қайд этилишича, "Тоттенхэм" хўжайини Дэниэл Леви ҳозирча Постекоглуга ўз қарори ҳақида маълум қилмаган.
Почеттино 2014-2019 йилларда "Тоттенхэм"ни бошқарган. Унинг қўл остида жамоа 2018/19 йилги мавсумда Чемпионлар лигаси финалига қадар етиб борди. 2024 йил сентябрь ойида аргентиналик футболчи АҚШ терма жамоаси бош мураббийи этиб тайинланди.
