Argentinalik murabbiy Maurisio Pochettino yaqin kelajakda "Tottenxem"ga qaytishi mumkin, deb xabar beradi TBR Football.
Manbaga ko‘ra, London klubining amaldagi ustozi Ange Postekoglu mavsum yakunida "shporlar"ning Yevropa Ligasidagi natijalaridan qat’i nazar iste’foga chiqariladi. Qayd etilishicha, "Tottenxem" xo‘jayini Deniel Levi hozircha Postekogluga o‘z qarori haqida ma’lum qilmagan.
Pochettino 2014-2019 yillarda "Tottenxem"ni boshqargan. Uning qo‘l ostida jamoa 2018/19 yilgi mavsumda Chempionlar ligasi finaliga qadar yetib bordi. 2024 yil sentyabr oyida argentinalik futbolchi AQSH terma jamoasi bosh murabbiyi etib tayinlandi.













