Маркус Рэшфорд ҳамон "Барселона"га ўтишга қизиқмоқда.
Айни пайтда 27 ёшли ҳужумчи "Манчестер Юнайтед"дан ижара асосида "Астон Вилла" шарафини ҳимоя қилмоқда. Бирмингем клуби футболчини сотиб олиш бўйича қарор қабул қилиш учун мавсум якунида молиявий ҳолатини баҳолаши керак бўлади, деб ёзади GiveMeSport.
Инглизнинг тўлақонли трансфери "Вилла"га 40 миллион фунтга тушади. Футболчининг маоши ҳафтасига 350 минг фунтни ташкил этади.
Рэшфорд ҳамон қишда трансферга қизиқиш билдирган "Барселона"га ўтишга тайёр. Бироқ каталонияликлар молиявий муаммолар туфайли ёзда келишувни амалга ошириши қийин бўлади.
Қайд этилишича, Маркус "Манчестер Юнайтед" таркибига қайтиши даргумон. У жамоа бош мураббийи Рубен Аморимнинг узоқ муддатли режаларига кирмайди.
