Чилилик мутахассис Мануэль Пеллегрини "Бетис" тарихининг энг шонли саҳифаларини қайта ёзмоқда. Унинг жамоаси Испания чемпионатининг навбатдаги турида "Вальядолид"ни 5:1 ҳисобида мағлуб этганидан сўнг, Пеллегрини ушбу клуб бошқарувида 248 та ўйинда 118 та ғалабага эришди.
Шу тариқа, у "Бетис" бошқарувида 117 та ғалабага эришган, аммо бунинг учун 263 та ўйин ўтказган Каталониянинг "Барселона" клуби собиқ футболчиси Лоренцо Серра Феррернинг ютуғини ортда қолдирди. Феррернинг рекорди йигирма йил олдин ўрнатилган эди ва ниҳоят у қулади.
Ҳозирда Севилья клуби Ла Лигада бешинчи ўринни эгаллаб турибди.
