Нидерландия терма жамоаси бош мураббийи Рональд Куман Карло Анчелоттининг "Реал"ни тарк этиши ҳақида гапирди.
"Қаймоқранглилар" 1/4 финалда "Арсенал"га ютқазиб, Чемпионлар Лигасини тарк этишди, шундан сўнг кўплаб манбалар клубнинг Анчелотти билан хайрлашиши яқинлашаётгани ҳақида хабар берди.
"Футболда доим мураббийларни айблашади. Тан олиш керакки, Анчелотти ажойиб иш қилди. У дунёдаги энг унвонли мураббий, юлдузларга тўла жамоани жуда яхши бошқаради. Унинг айби йўқ деб ҳисоблайман. Агар клуб муваффақиятга эриша олмаган бўлса, бунинг учун ҳамма жавобгар бўлиши керак, аммо ҳар доим мураббийни айбдор деб билишади," - деди Marca нашрига берган интервьюсида илгари "Барселона"да ишлаган Куман.
