"Манчестер Юнайтед" клуби "Аталанта" хавбеки Эдерсонни ўз сафига қўшиб олмоқчи.
"Қизил иблислар" ўтган йилдан буён бошқа инглиз грандлари қатори футболчига даъвогарлар қаторидан ўрин олган. Таниқли инсайдер Фабрицио Романонинг таъкидлашича, "Манчестер Юнайтед" раҳбарияти бразилиялик футболчининг эҳтимолий трансферини қизғин муҳокама қилмоқда. Бир неча ой олдин клуб 25 ёшли футболчининг атрофидагилар билан алоқа ўрнатган эди.
Transfermarkt талқинига кўра, Эдерсоннинг нархи 50 млн еврога баҳоланмоқда. Ярим ҳимоячи жорий мавсум "Аталанта" сафида 44 та ўйинда 5 та гол ва 2 та голли узатмага муаллифлик қилган.
