Give me Sport портали Англия премьер-лигаси тарихидаги энг яхши ҳужумчилар рейтингини эълон қилди.

Рейтингни шакллантиришда қуйидаги мезонлар инобатга олинди: олий дивизиондаги голлар, индивидуал ютуқлар, Премьер-лига чемпионликлари, ҳужумчининг клублари учун аҳамияти.

Рейтингда биринчи ўринни “Арсенал”нинг собиқ ҳужумчиси Тьерри Анри (175 та гол) эгаллади. Иккинчи ўринда эса АПЛ тарихидаги энг яхши тўпурар Алан Ширер (260 гол). Кучли учликни Уэйн Руни (208 та гол) якунлаб берди.

Кейинги ўринларни Харри Кейн (213 гол), Серхио Агуэро (184 гол), Эрик Кантона (70 гол), Деннис Бергкамп (87 гол), Энди Коул (187 гол), Дидье Дрогба (104 гол), Луис Суарес (69 гол) эгаллади.