Арне Слот якшанба куни "Ливерпул"нинг чемпионлик даъвоси ҳақида гапирди.
Мерсисайдликлар АПЛ турнир жадвалида 79 очко билан пешқадамлик қилмоқда ва “Арсенал”дан 12 очко олдинда. Слотт шогирдлари чемпионатнинг 34-турида якшанба куни бўлиб ўтадиган "Тоттенхэм"га қарши ўйинда бир очкони қўлга киритса, муддатидан аввал Премьер-лига чемпионлигини қўлга киритиши мумкин.
"Бу катта масъулият. Биламизки, клуб охирги марта лигани COVID пандемияси пайтида ютган. Шунинг учун ҳамма якшанбани интиқлик билан кутмоқда.
Лекин биз ҳали қилинадиган ишлар борлигини биламиз. Бизга камида битта очко керак. Биз буни биламиз, умид қиламанки, мухлисларимиз стадионга келганларида билишади. Улар бутун мавсумда бўлганидек бизни энг яхши тарзда қўллаб-қувватлашади, аммо шуни ҳам ёдда тутиш керакки, бизга ҳали ҳам очко керак.
Бу биз орзиқиб кутаётган ажойиб ўйин, шу билан бирга якшанба олдидаги масъулиятимиз ҳам бор", деди Слот.
