Arne Slot yakshanba kuni "Liverpul"ning chempionlik da’vosi haqida gapirdi.
Mersisaydliklar APL turnir jadvalida 79 ochko bilan peshqadamlik qilmoqda va “Arsenal”dan 12 ochko oldinda. Slott shogirdlari chempionatning 34-turida yakshanba kuni bo‘lib o‘tadigan "Tottenxem"ga qarshi o‘yinda bir ochkoni qo‘lga kiritsa, muddatidan avval Premyer-liga chempionligini qo‘lga kiritishi mumkin.
"Bu katta mas’uliyat. Bilamizki, klub oxirgi marta ligani COVID pandemiyasi paytida yutgan. Shuning uchun hamma yakshanbani intiqlik bilan kutmoqda.
Lekin biz hali qilinadigan ishlar borligini bilamiz. Bizga kamida bitta ochko kerak. Biz buni bilamiz, umid qilamanki, muxlislarimiz stadionga kelganlarida bilishadi. Ular butun mavsumda bo‘lganidek bizni eng yaxshi tarzda qo‘llab-quvvatlashadi, ammo shuni ham yodda tutish kerakki, bizga hali ham ochko kerak.
Bu biz orziqib kutayotgan ajoyib o‘yin, shu bilan birga yakshanba oldidagi mas’uliyatimiz ham bor", dedi Slot.
