"Кристал Пэлас" марказий ҳимоячиси Максанс Лакруа Франция терма жамоасига киришига ишончи комил. Терма жамоанинг марказий ҳимоясидаги ўрин учун кураш қизғин кечганига қарамай, Лакруа оптимистлигича қолмоқда.
"Ҳа, албатта, терма жамоада ўйнаш - бу мақсад. Ҳар ким ўз мамлакати учун ўйнашни орзу қилади. "Пэлас"да ёнимда АҚШ вакили Крис Ричардс ва Марк Гехи ўйнашади. Бу яхши чақирув. Агар улар термада бўлишса, юқори савияда бўлишса, мен ҳам терма жамоада бўлишим мумкин. Улар мени бор кучимни беришга ундайди ва мен ҳам бир кун келиб бор эътиборимни миллий терма жамоага қаратишимни биламан", деди Лакруа.
25 ёшли футболчи Лондон клубига 2024 йилнинг август ойида "Вольфсбург"дан келиб қўшилган эди.
