Статистик таҳлиллар билан шуғулланадиган Opta портали Англия Премьер-лигаси якунларига оид навбатдаги тахминларини эълон қилди. Унда ҳозирги мавсум якунида кучли бешликка кириб, Чемпионлар Лигасига йўлланма олиш имконияти энг юқори бўлган жамоалар кўрсатиб ўтилган.

Лондоннинг “Арсенал” ҳамда “Ливерпуль” клублари аллақачон рақобатчиларидан анча олдинда кетаётгани боис, бу сафар кучли еттиликкача бўлган беш клуб тахминлар марказида бўлди.

Энг катта имконият ҳозирда 6 ўйиндан буён мағлуб бўлмаётган “Манчестер Сити”га берилган — 95,1%. Нашрнинг тахминича, “шаҳарликлар” мавсумни 3-ўринда якунлайди. Тўртинчи ўринда “Ноттингем Форест” (80,1%), ундан кейин “Ньюкасл” (77,6%) қайд этилган.

“Челси” ва “Астон Вилла” эса рўйхатнинг қуйи қисмида. “Кўклар”га 29,7%, Унаи Эмери шогирдларига эса атиги 17,3% имкон берилган.

Айни пайт АПЛ турнир жадвалидаги топ-7 ўринлардаги ҳолат қуйидагича:

“Ливерпуль” — 79 очко (33 ўйин)
“Арсенал” — 67 очко (34 ўйин)
“Манчестер Сити” — 61 очко (34 ўйин),
“Ноттингем Форест” — 60 очко (33 ўйин),
“Ньюкасл” — 59 очко (33 ўйин),
“Челси” — 57 очко (33 ўйин),
“Астон Вилла” — 57 очко (34 ўйин)

Маълумот учун, 2025/26-йилги мавсум Англия Премьер-лигасидан 5 та жамоа Европа Чемпионлар Лигасида иштирок этади.