"Бавария" устози Венсан Компани Бундеслиганинг навбатдаги ўйини олдидан ўтказилган матбуот анжуманида иштирок этди, аммо у ерда ундан клубнинг бўлажак ЖЧ учун режаси бор-йўқлиги сўралди.
"Бу мавсум клублар ўртасидаги жаҳон чемпионати туфайли ўзгача. Энг яхши режани яратиш учун барча бўлимлар билан ишладик. Баъзи футболчилар ўз терма жамоаларида ҳам ўйнашади, шунинг учун бу турнир учун энг яхши жисмоний формада бўлишимиз муҳим.
Клублар ўртасидаги ЖЧнинг илк ўйини қачон бошланади, бу мен учун энг муҳим ўйин бўлади. Бизда ҳар доим ғалаба қозониш мақсади бор ва у ерда ҳам шундай бўлади. Баъзи футболчиларда турнир олдидан икки ҳафталик дам олиш бўлади, баъзиларида эса атиги беш ёки олти кун. Жаҳон чемпионатидан сўнг қисқа муддатли дам оламиз, ундан фойдаланиб, янги мавсумга тайёргарлик кўрмоқчимиз," - деди Компани.
Эслатиб ўтамиз, клублар ўртасидаги ЖЧ-2025 ёзда 15 июндан 13 июлга қадар АҚШда бўлиб ўтади.
