Дортмунднинг "Боруссия" клуби дарвозабони Грегор Кобелни АПЛнинг бирданига икки клуби сотиб олиши мумкин бўлган футболчилар рўйхатига киритилди. Бу ҳақда Footmercato хабар бермоқда.
Швейцария терма жамоасининг 27 ёшли посбони хизматига "Челси" ва "Ньюкасл" клублари қизиқиш билдирмоқда. Футболчининг вакиллари аллақачон алоқаларни йўлга қўйган ва тез орада Лондонда музокаралар ўтказади.
Қайд этилишича, "Боруссия" қишки трансферлар вақтида "Аякс" дарвозабони Диант Рамайни ўз сафига қўшиб олиб, воқеаларнинг бундай ривожланишига олдиндан тайёр бўлган. Ҳозирда у ижара асосида "Копенгаген" шарафини ҳимоя қилмоқда.
