Лондоннинг "Челси" клуби дарвозабонига Европанинг бир қатор топ-клублари қизиқиш билдирмоқда.
Football Insider нашри манбаларининг эксклюзив маълумотларига кўра, ёзги трансферлар олдидан Жорж Петровичга Европанинг учта жамоаси қизиқиш билдирган. "Ювентус," "Астон Вилла" ва "Байер" 25 ёшли сербиялик футболчининг "Страсбур"даги ажойиб ижарасидан сўнг уни ўз сафига қўшиб олиш вариантини кўриб чиқмоқда. Петровичнинг "Челси"даги узоқ муддатли келажаги ҳали ҳам сўроқ остида қолмоқда, шунинг учун лондонликлар дарвозабонни сотиб юбориши мумкин, аммо фақатгина клублар ўртасидаги жаҳон чемпионатидан кейин.
Унинг "Челси" билан амалдаги шартномаси 2030 йилнинг июнь ойи охиригача мўлжалланган.
Жорий мавсумда Жорже Петрович Лига 1да "Страсбур" сафида 27та баҳсда 10 та "қуруқ" ўйин ўтказди. Машҳур Transfermarkt сайти унинг нархини 18 миллион еврога баҳоламоқда.
