Брюс Аренанинг фикрича, Маурисио Почеттинонинг АҚШ терма жамоасига мураббий этиб тайинлангани хато қарор бўлган.
"Дунёдаги ҳар бир терма жамоага қарасангиз, қоидага кўра, уларни маҳаллий мутахассис бошқаради. Мураббий бизнинг маданиятимизни, футболчиларимизни, муҳитимизни тушунмаса, унга қийин бўлади.
Қаранг, Почеттино жуда яхши мураббий. Лекин терма жамоа футболи клуб футболидан бутунлай фарқ қилади.
Терма жамоа мураббийи кимга мураббийлик қилаётганини тушуниши, муҳитни билиши керак. Ва бизнинг ҳолатларимизда бу етишмаяпти.
Терма жамоага мураббийлик қилаётган америкалик терма жамоа маданиятини, аҳамиятини тушунади. Агар мураббий бошқа мамлакатдан келган бўлса, у буни тушунмайди.
Айниқса, бизнинг мамлакатимиз ҳақида гап кетганда, чунки биз бошқалардан жуда фарқ қиламиз", - дея таъкидлади АҚШ жамоасининг собиқ бош мураббийи.
