Италиянинг "Милан" клуби собиқ ярим ҳимоячиси Рууд Гуллит интервью бериб, клуб ҳақидаги фикрлари билан ўртоқлашди.
"Мен ўтган йил охирида клубнинг "Женоа"га қарши ўйинида бўлдим ва бу даҳшатли ўйин бўлди. Мухлислар воқеликни тушуниши ва қабул қилиши қийин. Аммо улар ўзига хослик билан боғлиқ муаммоларни тан олишлари керак. "Ливерпуль"ни қаранг, Клопп кетди, Слот келди, лекин натижалар аввалгидек қолди, жамоа услуби билинади. "Милан" ҳам қаерга боришини танлаши ва шу йўналишда ишлаши керак," - дея Гуллитнинг сўзларини келтиради Италиянинг La Gazzetta Dello Sport нашри.
