Сербиялик ҳужумчи Лука Йович - бу ном ҳозирда "Милан"нинг барча мухлислари орасида жарангламоқда. Сербиялик футболчи "Интер" дарвозасига иккита тўп киритиб, "Милан"ни Италия Кубоги финалига олиб чиқди. "Милан"нинг собиқ ҳужумчиси Маурицио Ганц Йовичнинг муваффақиятини Сержиу Консейсаунинг хизмати деб ҳисобламоқда.
"Унинг самарадорлиги ошиши ундан максимал даражада фойдаланишни ўрганган Консейсаунинг хизматидир. Менимча, у қайта туғилган, ўзини керакли жойда, керакли вақтда дарвоза олдида топишни ўрганган футболчи," - дея Ганцнинг сўзларини келтиради pianetamilan.it.













