"Манчестер Сити" бош мураббийи Хосеп Гвардиола Англия кубоги ярим финалидан ўрин олган "Ноттингем Форест"га қарши ўйин олдидан жорий мавсум ҳақида фикр юритди.
"Бошлаш учун финалга чиқишимиз керак. Бу мавсумда кўп ўйинлар биз учун омадсиз бўлди. Англия кубогини ютсак яхши, лекин менинг нуқтаи назаримда, мавсумдаги энг муҳими - Премьер-лига. Бу сизнинг мавсумингиз қанчалик яхши бўлганини кўрсатади. Мавсумимиз яхши бўлмади, лекин бундан ҳам ёмон бўлиши мумкин эди.
Ҳаммаси ўз қўлимизда. Биз кетма-кет учинчи марта Англия кубоги финалига чиқишимиз мумкин. Умид қиламанки, биз буни уддалай оламиз," - деди Гвардиола жума кунги матбуот анжуманида журналистларга.
