"ПСЖ" ярим ҳимоячиси Витинья Франция чемпионатининг 31-тури доирасидаги "Ницца"дан учралган мағлубият (1:3) ҳақида фикр билдирди.
"Мен "Ницца" самарали бўлганини ҳис қиляпман. Улар яратган бир неча вазиятларда гол уришди. Албатта, биз яхшироқ ўйнай оламиз, ўйинимиз мукаммал бўлмади, лекин менимча, асосий сабаб шу: улар самарали бўлди, бизда эса ундай бўлмади. "Ницца" дарвозабони Булкадан ҳам ажойиб ўйин бўлди.
Биз ғалаба қозонишни ва чемпионатда мағлубиятсиз қолиш учун бир хил руҳда давом этишни хоҳлаган эдик", - дея Витиньянинг сўзларини келтиради клуб расмий сайти.
"ПСЖ" жорий мавсум Франция чемпионатидаги илк мағлубиятини қабул қилди. 78 очко жамғарган жамоа чемпионликни кафолатлаб бўлган.
