"PSJ" yarim himoyachisi Vitinya Fransiya chempionatining 31-turi doirasidagi "Nissa"dan uchralgan mag‘lubiyat (1:3) haqida fikr bildirdi.

"Men "Nissa" samarali bo‘lganini his qilyapman. Ular yaratgan bir necha vaziyatlarda gol urishdi. Albatta, biz yaxshiroq o‘ynay olamiz, o‘yinimiz mukammal bo‘lmadi, lekin menimcha, asosiy sabab shu: ular samarali bo‘ldi, bizda esa unday bo‘lmadi. "Nissa" darvozaboni Bulkadan ham ajoyib o‘yin bo‘ldi.

Biz g‘alaba qozonishni va chempionatda mag‘lubiyatsiz qolish uchun bir xil ruhda davom etishni xohlagan edik", - deya Vitinyaning so‘zlarini keltiradi klub rasmiy sayti.

"PSJ" joriy mavsum Fransiya chempionatidagi ilk mag‘lubiyatini qabul qildi. 78 ochko jamg‘argan jamoa chempionlikni kafolatlab bo‘lgan.