"Аталанта" марказий ҳужумчиси Матео Ретеги "Манчестер Юнайтед"га ўтиши мумкин.
Caughtoffside нашрига маълум бўлишича, "қизил иблислар" 25 ёшли италиялик футболчини кузатиб бормоқда ва уни ёзги трансферлар даврида ўз сафига қўшиб олиш ҳақида ўйламоқда. Манбага кўра, "Аталанта" форварднинг нархини 60 млн еврога баҳоламоқда. Таъкидланишича, "Манчестер Юнайтед" Ретегини сотиб олиш учун шунча маблағ ажратишга тайёр.
Жорий мавсумда италиялик футболчи барча мусобақаларда 44 та ўйинда майдонга тушиб, 26 та гол урди ва 6 та голли узатмани ўз ҳисобига ёздириб қўйди.
