"Atalanta" markaziy hujumchisi Mateo Retegi "Manchester Yunayted"ga o‘tishi mumkin.

Caughtoffside nashriga ma’lum bo‘lishicha, "qizil iblislar" 25 yoshli italiyalik futbolchini kuzatib bormoqda va uni yozgi transferlar davrida o‘z safiga qo‘shib olish haqida o‘ylamoqda. Manbaga ko‘ra, "Atalanta" forvardning narxini 60 mln yevroga baholamoqda. Ta’kidlanishicha, "Manchester Yunayted" Retegini sotib olish uchun shuncha mablag‘ ajratishga tayyor.

Joriy mavsumda italiyalik futbolchi barcha musobaqalarda 44 ta o‘yinda maydonga tushib, 26 ta gol urdi va 6 ta golli uzatmani o‘z hisobiga yozdirib qo‘ydi.