"Манчестер Юнайтед" "Вулверхэмптон" ҳужумчиси Матеус Куньянинг 62,5 млн фунт (73,1 млн евро) миқдоридаги товон пулини бир неча босқичда тўлай олишига умид қилмоқда. Бу ҳақда The Telegraph хабар бермоқда.
Манбага кўра, "бўрилар" катта эҳтимол билан "қизил иблислар" таклифига рози бўлмайди. 25 ёшли футболчи "Манчестер Юнайтед"га ўтган тақдирда, унинг маоши ҳафтасига 200 минг фунтдан (234 минг евро) кўпроқни ташкил этади ва бу уни жамоанинг энг кўп маош олувчи футболчиларидан бирига айлантиради.
Аввалроқ ОАВда клублар Куньянинг трансфери бўйича келишувга эришгани ҳақида хабарлар тарқалган эди.
