Каталониянинг "Барселона" клуби форварди Ансу Фати фаолиятини Испания чемпионатининг бошқа клубида давом эттириши мумкин. Бу ҳақда Todofichajes портали журналистлари хабар бермоқда.

Манбага кўра, 22 ёшли футболчини "Сельта" ўз сафига қўшиб олмоқчи. Фатининг эҳтимолий трансфери Transfermarkt портали томонидан атиги беш миллион еврога баҳоланмоқда. Футболчи "кўк-анорранглилар" билан 2027 йилнинг июнь ойи охиригача шартнома мажбуриятларига эга.

Испания чемпионатининг жорий мавсумида ҳужумчи каталонияликлар сафида бешта ўйин ўтказиб, уларда гол ва ассист қайд этмади.