Янги ҳафта бошида раҳбарият "Реал" бош мураббийи Карло Анчелотти билан учрашади. Бу ҳақда журналист Эдуардо Бургос хабар бермоқда.
Манбага кўра, Анчелоттининг ўзи клублар ўртасидаги жаҳон чемпионати бошланишидан олдин клубни тарк этишини аниқ билади. Таъкидланишича, италиялик мутахассиснинг "Реал" билан хайрлашиш санаси Бразилия терма жамоасида катта қизиқиш уйғотмоқда. Идеал ҳолатда бразилияликлар Анчелотти билан шу ойнинг охиригача шартнома имзоламоқчи, дея таъкидлайди манба.
Эслатиб ўтамиз, "Реал" Испания кубоги финалида "Барселона"га мағлуб бўлганди (2:3). Класикодаги ушбу мағлубият "қаймоқранглилар" учун кетма-кет учинчи мағлубият бўлди.
