Yangi hafta boshida rahbariyat "Real" bosh murabbiyi Karlo Anchelotti bilan uchrashadi. Bu haqda jurnalist Eduardo Burgos xabar bermoqda.
Manbaga ko‘ra, Anchelottining o‘zi klublar o‘rtasidagi jahon chempionati boshlanishidan oldin klubni tark etishini aniq biladi. Ta’kidlanishicha, italiyalik mutaxassisning "Real" bilan xayrlashish sanasi Braziliya terma jamoasida katta qiziqish uyg‘otmoqda. Ideal holatda braziliyaliklar Anchelotti bilan shu oyning oxirigacha shartnoma imzolamoqchi, deya ta’kidlaydi manba.
Eslatib o‘tamiz, "Real" Ispaniya kubogi finalida "Barselona"ga mag‘lub bo‘lgandi (2:3). Klasikodagi ushbu mag‘lubiyat "qaymoqranglilar" uchun ketma-ket uchinchi mag‘lubiyat bo‘ldi.
