Альваро Арбелоа "Реал"ни бошқариши мумкин.
ESPN хабарига кўра, президент Флорентино Перес яқин кунларда бош мураббий Карло Анчелотти билан учрашиб, ҳамкорликни тугатиш масаласини муҳокама қилади. Италиялик мутахассис Испания чемпионати якунланганидан кейин ўз лавозимини тарк этиши кутилмоқда.
Шундан сўнг катта эҳтимол билан вақтинчалик мураббий тайинланади. Сантьяго Солари, Рауль ва Альваро Арбелоа асосий номзодлар экани айтилмоқда. Улардан бири жамоани клублар ўртасидаги жаҳон чемпионатида бошқариб туриши мумкин.













