"Барселона" марказий ярим ҳимоячиси Педри жамоа бош мураббийи Ханс-Дитер Флик ҳақида ўз фикрларини билдирди.
"У ҳар доим бизга ғамхўрлик қилишга ҳаракат қилади. Агар ўйинларда майдонга тушмаётган бўлсанг, сени қўллаб-қувватлаш учун ёнингда бўлади ва доимо ёрдам беришга интилади. Ташқаридан қараганда қатъий кўринса-да, кўпчилик кўрмайдиган тарафи шуки, у қийин пайтларингда доимо сенга таянч бўлади. У сенга гапириб, ҳолингни сўрайди. У бизга ота каби муносабатда бўлади", - деди 22 ёшли испаниялик футболчи Marca билан суҳбатда.
