Англиянинг "Ливерпуль" клуби 20-марта чемпионликни қўлга киритган бўлса-да, унинг бир қатор футболчилари олтин медалларсиз қолиши мумкин. Бу ҳақда Planet Football нашри хабар бермоқда.
Мусобақа низомига кўра, совринларни қўлга киритиш учун футболчилар чемпионатда камида 5 та учрашувда майдонга тушишлари керак. Мавсум якунлангач, "Ливерпуль" 40 та медални қўлга киритади, улар футболчилар ва ходимлар ўртасида тақсимланади. Регламентга кўра, медалларга лойиқ бўлмаганларга мукофот бериш бўйича якуний қарорни клуб қабул қилади.
Чемпионатда деярли майдонга тушмаган футболчилар қаторида Федерико Кьеза (4 ўйин), Витеслав Ярош (1), Жейден Даннс (1), шунингдек, Тайлер Мортон, Жеймс Макконнелл ва Трей Ньони каби футболчилар бор.
