Angliyaning "Liverpul" klubi 20-marta chempionlikni qo‘lga kiritgan bo‘lsa-da, uning bir qator futbolchilari oltin medallarsiz qolishi mumkin. Bu haqda Planet Football nashri xabar bermoqda.
Musobaqa nizomiga ko‘ra, sovrinlarni qo‘lga kiritish uchun futbolchilar chempionatda kamida 5 ta uchrashuvda maydonga tushishlari kerak. Mavsum yakunlangach, "Liverpul" 40 ta medalni qo‘lga kiritadi, ular futbolchilar va xodimlar o‘rtasida taqsimlanadi. Reglamentga ko‘ra, medallarga loyiq bo‘lmaganlarga mukofot berish bo‘yicha yakuniy qarorni klub qabul qiladi.
Chempionatda deyarli maydonga tushmagan futbolchilar qatorida Federiko Kyeza (4 o‘yin), Viteslav Yarosh (1), Jeyden Danns (1), shuningdek, Tayler Morton, Jeyms Makkonnell va Trey Nyoni kabi futbolchilar bor.
