Хаби Алонсо клублар ўртасидаги жаҳон чемпионатида "Реал"ни бошқармайди.
Аввалроқ Карло Анчелотти ушбу турнир бошлангунга қадар мадридликлар бош мураббийи лавозимини тарк этиши ва катта эҳтимол билан Алонсо унинг ўрнига ўтиши хабар қилинганди.
Relevo хабарига кўра, 43 ёшли испаниялик бош мураббий вазифасини бажарувчи Сантьяго Солари клублар ўртасидаги жаҳон чемпионатида "Реал"ни бошқариши ҳақида маълум қилинган. Алонсо мусобақа якунланганидан кейин янги клубида иш бошлайди.
Қайд этилишича, клублар ўртасидаги жаҳон чемпионати олдидан Хабини тайинлашдан ҳеч бир томон манфаатдор бўлмаган.
Мураббий жамоа ҳақида тўлиқ тасаввурга эга бўлмаган ҳолда бундай узоқ мусобақада жамоани бошқаришни истамайди ва ишни мавсумолди даврида бошлашни афзал кўради.
