Португалия терма жамоаси ва "Манчестер Сити"нинг ҳужумкор ярим ҳимоячиси Бернарду Силва жорий мавсум якунлангач жамоасини ўзгартирмоқчи. Бу ҳақда Todofichajes портали саҳифаларида маълум қилинди.

Манбага кўра, 30 ёшли футболчи Каталониянинг "Барселона" клубига ўтишга қизиқмоқда. Потенциал трансфер қиймати 58-60 миллион еврога баҳоланмоқда. Бу келишувни амалга ошириш учун "кўк-анорранглилар" ўз ўйинчиларидан бири билан хайрлашишига тўғри келади.

Бернарду "шаҳарликлар" сафида 2017 йилнинг ёзидан буён тўп тепиб келмоқда. Ярим ҳимоячининг меҳнат шартномаси 2026 йил июнь ойи охирида тугайди.