"Тоттенхэм" ўзининг расмий сайти орқали футболчилардан бири билан шартномани узайтирганини эълон қилди. Ярим ҳимоячи Лукас Бергвалль 2031 йилнинг ярмигача мўлжалланган меҳнат шартномасини имзолади.
Бергвалль ўтган йилнинг ёзида "Тоттенхэм" таркибига қўшилганди. Ярим ҳимоячи Лондон жамоасига Швециянинг "Юргорден" клубидан кўчиб ўтган. Ўшандан бери Лукас "шпорлар" сафида 45 та расмий ўйинда майдонга тушиб, битта гол урган ва тўртта голли узатмани амалга оширган.













