Пабло Маффео "Реал Мадрид"ни ҳакамлар билан зиддияти учун танқид қилди.
Мадрид клуби Испания кубоги финалида “Барселона”га 2:3 ҳисобида имкониятни бой берди.
Учрашув олдидан Мадрид клуби телевидениеси видеолавҳани эълон қилди, унда бош ҳакам Рикардо де Бургос Бенгочеанинг ушбу ўйинга тайинланиши танқид қилинди.
Учрашувдан сўнг ҳакамликдан норозилик билдирилган яна бир қанча видеолавҳалар чоп этилди.
"Агар катта футболчилар ҳам шикоят қилсалар, биз, кичикроқ жамоалар нима дейишимиз мумкин?!
Мен ҳакамларни қўллаб-қувватлайман, чунки ўзим ҳам "Реал Мадрид" томонидан бу босимни ҳис қилдим", - деди "Мальорка" ҳимоячиси Пабло Маффео.
