Февраль ойида тўпиғидан жароҳат олган "Манчестер Юнайтед" ҳужумчиси Амад Диалло Бильбаонинг "Атлетик" жамоасига қарши Европа лигаси ярим финал учрашуви олдидан жамоа машғулотларига қайтди. Бу ҳақда клубнинг ижтимоий тармоқдаги расмий аккаунти хабар бермоқда.
Диалло 2025 йилнинг февралидан буён йиғинларда қатнашмаётганди. Қанот ҳимоячиси жорий мавсумда 36 ўйинда 9 та гол урди ва 7 та голли узатмани амалга оширди. Амад Диалло 2021 йилда "Манчестер Юнайтед"га ўтган. Унинг клуб билан шартномаси 2030 йилгача мўлжалланган. Айни дамда футболчининг трансфер қиймати 40 миллион еврога баҳоланмоқда.
“Атлетик” 1 май, пайшанба куни “Манчестер Юнайтед”ни қабул қилади.
