Родриго ёзда "Реал"ни тарк этиш ҳақида ўйламоқда.
Marca нашри хабарига кўра, "Реал" вингери энди жамоа ўйинига тўғри келмаслигига ишонмоқда, чунки асосий эътибор Килиан Мбаппе, Винисиус Жуниор ва Жуд Беллингемга қаратилган.
Қайд этилишича, Родриго учун биринчи бурилиш нуқтаси 2024 йилда “Олтин тўп” ва “Энг яхши” мукофотига номзодларнинг орасида йўқлиги бўлган.
Хабарларга кўра, Родриго айни дамда "Реал Мадрид"ни тарк этмоқчи - унинг қарори янги бош мураббий уни қолишга ишонтирсагина ўзгариши мумкин. Айни вақтда бразилиялик футболчига Европанинг бир қатор етакчи клублари қизиқиш билдирмоқда.
Ушбу мавсумда вингер "Реал" сафида Ла Лигада 30 та ўйин ўтказиб, 6 та гол ва 5 та голли узатмани амалга оширди.













