"Барселона"нинг чап қанот ҳимоячиси Алехандро Бальде тез орада жароҳатидан тикланади.
21 ёшли футболчи "кўк-анорранглилар"нинг сўнгги бешта ўйинини ўтказиб юборди, шу жумладан Чемпионлар лигаси ярим финалининг чоршанба куни "Интер"га қарши бўлиб ўтган ва 3:3 ҳисобидаги дуранг билан якунланган биринчи ўйинини ҳам. Журналист Хелена Кондиснинг маълум қилишича, ёш қанот ҳимоячиси тез орада сафга қайтади - у келаси сешанба, 6 май куни "нерадзуррилар" билан жавоб учрашувида иштирок этиши мумкин.
Алехандро Бальде жорий мавсум Ханс-Дитер Флик жамоаси сафида 43 та ўйинда майдонга тушди ва ўз ҳисобига 1 та гол ҳамда 10 та голли узатма ёздириб қўйди.
