"Барселона" бош мураббийи Ханс-Дитер Флик Чемпионлар лигаси биринчи ярим финалидан ўрин олган "Интер"га (3:3) қарши ўйиндан сўнг жамоага нималар дегани ҳақидаги саволга жавоб берди.
"Бугун ўйиндан кейин футболчиларга ҳеч нарса демадим. Баъзида ҳаммамиз ухлаб олиб, кейин гаплашганимиз маъқул. Кетма-кет икки ўйинда жуда кўп куч сарфладик. Ламин жуда яхши эди ва у бизнинг биринчи голимизни яратди. Унинг фантастик футболчи эканлигини ҳамма билади. Катта ўйинларда бундай футболчиларнинг сифати намоён бўлади," - деди Флик матбуот анжуманида.
