Норвегиянинг "Буде-Глимт" клуби устози Кьетиль Кнутсен ЕЛ ярим финал доирасида "Тоттенхэм" клубига қарши бўлиб ўтадиган дастлабки учрашувдан олдин "шпорлар" устози Анж Постекоглу ҳақида фикр билдирди.

"Мен бу мураббийни биламан, Анж билан у "Селтик"да ишлаганида учрашганман, аммо бугун бутунлай бошқача ўйин бўлади. Биз ҳимояда мукаммал ўйнашимиз керак, чунки "Тоттенхэм"да яхши футболчилар кўп. Улар жарима майдончамизда кўплаб вазиятлар яратишади. Биз уларга қарши яхши ўйнадик, аммо менимча, “Тоттенхэм” жамоа сифатида “Селтик”дан кучлироқ" - деди Кнутсен УЕФА расмий сайтига.