Бразилия бошланган Конфедерациялар кубогининг биринчи учрашуви ниҳоясига етди ва унда мезбонлар ғалаба қозонди.

Бразилия терма жамоаси Осиё чемпиони сифатида мусобақада иштирок этаётган Япония терма жамоаси билан куч синашиб йирик 3:0 ҳисобидаги ғалабани қўлга киритишди.

Ўйинни 3:0га мос бўлди дейиш қийин. Икки бўлим бошида Неймар ва Паулиньо томонидан киритилган голлардан кейин бразилияликар айтарли устунлик қила олишгани йўқ. Япония терма жамоаси айниқса иккинчи бўлим охирида анча ҳужумкор футбол намойиш этди. Бироқ биргина қарши ҳужум натижасида Жо учинчи голни ҳам киритди ва ҳисоб йирик натижа билан тугади.

Конфедерациялар Кубоги
А гуруҳи
1-ТУР

БРАЗИЛИЯ – ЯПОНИЯ 3:0 (1:0)
Голлар: Неймар (3), Паулиньо (48), Жо (90+2).
Бразилия: Жулио Сезар, Дани Алвес, Давид Луиз, Силва, Марсело, Л. Густаво, Оскар, Паулиньо, Халк (Эрнанес, 75), Неймар (Лукас Моура, 74), Фред (Жо, 81).
Япония: Кавасима, Йосида, Конно, Нагатомо, Утида, Кагава, Эндо (Хосогаи, 78), Хонда (Инуи, 88), Кийотаке (Маеда, 51), Хасебе, Окадзаки.
Огоҳлантириш: Хасебе (45).