Дарвозабон Андрей Луниннинг келажаги ҳамон муҳокама қилинмоқда. Украиналик футболчи майдонда барқарор ўйнашни истайди, "Реал"да эса у Тибо Куртуадан кейин иккинчи рақам ҳисобланади.
Todofichajes порталининг ўз саҳифаларида маълум қилишича, 26 ёшли Луниннинг агенти Жорже Мендеш аллақачон "Реал"га мурожаат қилиб, дарвозабон клубда қандай таклифлар борлигини маълум қилган. Украиналик футболчига бир неча клуб қизиқиш билдирмоқда, улардан бири - "Галатасарой."
Нуфузли Transfermarkt портали мутахассислари Андрей Лунинни 20 миллион еврога баҳоламоқда. Дарвозабон "Реал" сафида жами 60 та ўйин ўтказиб, 70 та гол ўтказиб юборган.
