ЦСКА футболчиси Аббосбек Файзуллаев Москва "Спартак" жамоаси билан ўйинда жамоадошларининг хатти-ҳаракатлари ҳақида фикр билдирди.
"Пойтахт дербиси" "ҳарбийларнинг" 2:1 ҳисобидаги ғалабаси билан якунланди.
Миралем Пьянич ва Мойсес спортчига хос бўлмаган хатти-ҳаракатлари учун сариқ карточка олди. Бундан ташқари, Пьянич алмаштирилганидан кейин техник майдон ташқарисига чиқиб кетгани учун 10 минг рубль жаримага тортилди.
"Биз бутун ўйин давомида ҳиссиётлар устида ўйнаймиз. Ўз ҳис-туйғуларингизни кўрсатиш одатий ҳол, баъзида уларни яшира олмайсиз", - деди Файзуллаев "Матч ТВ" билан суҳбатда.
Шу билан бирга, ўзбекистонлик ярим ҳимоячи ўзини Мойсесдек тута олмаслигини ҳам таъкидлади.
