"Челси" ўз ярим ҳимоячилари Мойсес Кайседо ва Энцо Фернандесни сотишга қизиқмаяпти.
"Челси" Кайседо ва Фернандесни ярим ҳимояда бирлаштириш учун 225 миллион фунт сарфлади. "Кўклар"га 115 миллион фунт стерлингга тушган Мойсес Премьер-лига тарихидаги энг қиммат трансфер бўлиб қолмоқда.
Бир неча ҳафта олдин Кайседо Саудия клубларининг нишонида эканлиги, Фернандес эса Испаниянинг "Реал Мадрид" жамоаси учун узоқ муддатли трансфер мақсади сифатида кўрилгани ҳақида миш-мишлар пайдо бўлди.
Бироқ Sky Sports нашри хабарига кўра, "Челси" узоқ муддатли шартномага эга бўлган иккала ярим ҳимоячини ҳам сотишдан манфаатдор эмас. Қолаверса, "Реал"нинг Фернандесни сотиб олишга қурби етмайди.
