Пеп Гвардиола мухлисларнинг чипталар нархи бўйича мурожаатига муносабат билдирди.
Аввалроқ "Манчестер Сити"нинг бир нечта мухлислар уюшмаси жамоа бош мураббийсидан чипталар нархи билан боғлиқ вазиятга таъсир ўтказишни сўраган эди.
"Агар ёрдам бера олсам, албатта ёрдам бераман. Мен бу клубнинг бир қисмиман. Аммо мен бош мураббийман, жамоа имкон қадар яхшироқ ўйнаши учун керакли ишни қиляпман. Қўлимдан келадигани шу.
Улар ўз ҳис-туйғуларини ифодалай оладилар. Мухлислар муаммолар ҳақида ўз фикрларини билдиришлари мумкин. Клуб уларни эшитишга доим тайёр бўлади," - деди Гвардиола.
