Мадриднинг “Реал” клуби ҳужумчиси Браим Диас фаолиятини Англия Премьер-лигасининг топ-клубида давом эттириш имкониятига эга. Бу ҳақда Todofichajes журналистлари хабар бермоқда.
Манбага кўра, 25 ёшли футболчининг хизматларига Лондоннинг "Арсенал" клуби қизиқиш билдирмоқда. "Канонирлар" бош мураббийи Микель Артета шахсан Диас билан шартнома имзолашни талаб қилмоқда.
Браим "қироллик" клуби билан 2027 йилнинг июн ойи охиригача шартнома мажбуриятларига эга. Transfermarkt портали футболчининг бозор қийматини 45 миллион еврога баҳоламоқда.
Диас Испания чемпионатининг жорий мавсумида 28 та ўйин ўтказиб, 4 та гол урди ва 2 та голли узатмани амалга оширди.
