Madridning “Real” klubi hujumchisi Braim Dias faoliyatini Angliya Premyer-ligasining top-klubida davom ettirish imkoniyatiga ega. Bu haqda Todofichajes jurnalistlari xabar bermoqda.

Manbaga ko‘ra, 25 yoshli futbolchining xizmatlariga Londonning "Arsenal" klubi qiziqish bildirmoqda. "Kanonirlar" bosh murabbiyi Mikel Arteta shaxsan Dias bilan shartnoma imzolashni talab qilmoqda.

Braim "qirollik" klubi bilan 2027 yilning iyun oyi oxirigacha shartnoma majburiyatlariga ega. Transfermarkt portali futbolchining bozor qiymatini 45 million yevroga baholamoqda.

Dias Ispaniya chempionatining joriy mavsumida 28 ta o‘yin o‘tkazib, 4 ta gol urdi va 2 ta golli uzatmani amalga oshirdi.