Испаниянинг "Реал Сосьедад" клуби бош мураббийи Иманоль Альгуасиль ўзига янги иш вариантларини излашда давом этмоқда. Бу ҳақда A Bola хабар бермоқда.
Манбага кўра, Альгуасиль Португалия чемпионатига кўчиб ўтиши мумкин. "Порту" вакиллари аллақачон мутахассис билан мулоқот қилиб, кўплаб масалалар, жумладан, молиявий масалалар бўйича ҳам ўзаро тушуниш ҳосил қилишган.
Сан-Себастьян жамоаси билан қарийб 7 йил ишлаган мутахассис ёзда ўз ихтиёри билан клубни тарк этади. Куни кеча Альгуасиль "Байер" бош мураббийлигига номзодлардан бири сифатида кўрилаётганди, энди эса унинг қўлида яна бир вариант пайдо бўлди.
Айни пайтда "Порту" чемпионатда тўртинчи ўринни эгаллаб турибди, бу жамоанинг 1976 йилдан бери энг ёмон кўрсаткичидир.
