Мадриднинг "Реал" клуби ярим ҳимоячиси Жуд Беллингем Англия терма жамоасининг собиқ ярим ҳимоячиси Дэвид Бекхэмни туғилган куни билан табриклади. "Уч шерлар"нинг собиқ футболчиси 2 май куни 50 ёшга тўлди.
"Реал Мадрид" футболчиси ижтимоий тармоққа "Реал Мадрид"нинг ретро формасидаги суратини, устига Бекхемнинг исми ёзилган ва "Туғилган кунинг билан, афсона. Кўрсатмалар учун раҳмат" - деб изоҳ қолдирган.
Эслатиб ўтамиз, Дэвид Бекхэм 2003 йилдан 2007 йилгача "Реал" сафида ўйнаган. Ҳозирда собиқ футболчи Американинг "Интер Майами" клуби хўжайини ҳисобланади. Беллингем 2023 йилдан бери "Лос-Бланкос"да ўйнаб келмоқда ва 2020 йилдан бери Англия терма жамоаси шарафини ҳимоя қилмоқда.
